影片
更多
2024-05-25
1308 浏览
呢日和同事去天水圍做嘢，同事帶我去天水圍西鐵站附近1間隱世餐廳。佢話食過味道唔錯，一直都好回味。入到去，環境和服務令人感覺舒服，餐牌有中式和西式可以選擇，價錢都抵食。我哋揀咗2個午市套餐，是日餐湯係紅青蘿蔔粟米豬骨湯，湯底清甜，最緊要係碗湯夠熱，又飲得出冇味精，飲咗唔會口渴。主菜揀咗無骨海南雞飯($68)，海南雞已去骨，色澤金黃，雞嫩肉厚，平時都好驚食雞皮，這間沒有多餘嘅皮下脂肪，食落仲好Q彈。而個油飯有雞油蒜香茅嘅味道，配上各款醬汁送飯一流。而另一個主菜我就揀咗菠菜忌廉汁烤雞意粉($68)，菠菜忌廉汁香濃惹味，意粉煮到軟硬適中，出菜前將雞扒切開一條條給我哋方便食用，好窩心呀！餐茶叫咗熱咖啡同熱奶茶，2樣都好飲。📍222餐廳天水圍聚星路222號地舖
入到去，環境和服務令人感覺舒服，餐牌有中式和西式可以選擇，價錢都抵食。
我哋揀咗2個午市套餐，是日餐湯係紅青蘿蔔粟米豬骨湯，湯底清甜，最緊要係碗湯夠熱，又飲得出冇味精，飲咗唔會口渴。主菜揀咗無骨海南雞飯($68)，海南雞已去骨，色澤金黃，雞嫩肉厚，平時都好驚食雞皮，這間沒有多餘嘅皮下脂肪，食落仲好Q彈。而個油飯有雞油蒜香茅嘅味道，配上各款醬汁送飯一流。
而另一個主菜我就揀咗菠菜忌廉汁烤雞意粉($68)，菠菜忌廉汁香濃惹味，意粉煮到軟硬適中，出菜前將雞扒切開一條條給我哋方便食用，好窩心呀！餐茶叫咗熱咖啡同熱奶茶，2樣都好飲。
📍222餐廳
天水圍聚星路222號地舖
张贴
