Grill ขนทอง (駱克駅)

营业中

休息中

呢间泰式串烧店食过翻寻味，今晚睇完戏过去揾食。串烧店除左可以外卖，仲设有堂食位置。餐牌主打串烧，仲提供沙律、小食同饭类等。泰式串烧配炒饭及杂菜 $75串烧有三串，款式系有猪肉、牛肉同鸡肉各一串，猪肉好juicy；牛肉肉味浓郁；鸡肉好嫰滑，每一串都烧到有微微焦香，配搭埋沙嗲酱同食，好惹味。泰式青咖喱牛腩饭 $72牛腩炆得很软淋，青咖哩味道香浓微辣而不咸，而且仲带点椰香，用来捞饭一流！泰式酸辣凤爪 $36无骨凤爪口感爽脆，味道刺激，混合甜、酸、辣嘅味道，非常开胃。烧鸡皮 $25鸡皮连带鸡肉烧得微微焦香，鸡皮带点弹性，好惹味！烧猪颈肉 $25猪颈肉肉质爽弹，每一片烧猪颈肉的厚度适中，肉汁丰富，大大块啖啖肉。烧鸡肉 $18鸡肉嫰滑而且仲保持肉汁。龙眼冰 $25龙眼冰味道很清甜解渴，仲有龙眼肉有嚼口。有汽血橙果汁 $22血橙又叫「橙中皇后」，饮落味道温和，香气浓郁。