影片
更多
2010-06-23
167 浏览
自問係個鍾意食咖哩同薄餅既人, 見到網友好讚新疆回族薄餅店既羊肉薄餅, 於是專程黎試o下. 老實講, 佢既店舖賣相好唔吸引, 如果冇上網睇過既話, 我相信我路過100次都唔會幫襯佢. 下晝一點鐘, 店舖好冷清, 一個人都冇, 我order左一份羊肉薄餅外賣. 諗住可以睇o下佢即席表演做薄餅, 點知, 佢鬼鬼鼠鼠唔知o係邊到拎左塊野出黎放入紙袋, 然後就將紙袋擺入微波爐. 扣30分 叮好之後, 紙袋熱辣辣好多煙. 一手交錢一手交貨, 我急不及待要食啦. 先唔講個味道, 賣相真係好肉酸, 一pat野, 唔知從何食起, 第一啖咬左個角先, 又硬又乾, 扣20分. 第二啖, 食中間, 真係好失望. 我以為裏面會有咖哩汁, 唔流出黎都至少唔係乾掙掙, 但d 羊肉碎一粒粒跌出黎, 就好似硬左既豬肉鬆咁樣. 扣50分 大熱天時, 我真係吞唔落. 咖哩味道好濃, 但唔好食. 第三啖, sorry, 我真係吞唔落. 總分係0分.
先唔講個味道, 賣相真係好肉酸, 一pat野, 唔知從何食起, 第一啖咬左個角先, 又硬又乾, 扣20分. 第二啖, 食中間, 真係好失望. 我以為裏面會有咖哩汁, 唔流出黎都至少唔係乾掙掙, 但d 羊肉碎一粒粒跌出黎, 就好似硬左既豬肉鬆咁樣. 扣50分 大熱天時, 我真係吞唔落. 咖哩味道好濃, 但唔好食. 第三啖, sorry, 我真係吞唔落. 總分係0分.
张贴