灜居日本料理 (已結業)

瀛居日本料理系尖沙咀嘅一间寿司、刺身、铁板烧餐厅，今次订左食铁板烧。夜晚7点半去到已经好多人，围住铁板坐，可以欣赏到厨师手艺～ ❤️牛油果沙律用日式麻酱拌牛油果、秋葵、豆腐粒、车厘茄同沙律菜，分量十足。麻酱嘅香浓，同牛油果嘅鲜甜软滑互相衬托，非常开胃。 ❤️铁板烧濑尿虾好罕见嘅一道铁板烧料理，呢种整法嘅濑尿虾，味道令人经惊艳😍！师傅手艺了得，将濑尿虾烧得刚刚好，保持住佢嘅鲜甜同嫩滑，食落去嫩过龙虾同大虾。 ❤️南非鲍鱼鲍鱼非常之新鲜生猛，黑松露味浓郁，香气突出；上面仲有大大粒嘅鱼子，饱满多汁。 ❤️黑豚肉薄烧黑豚肉经过薄烧，焦香味十足，比牛肉更加香口。肉质嫩滑，每一片豚肉都带有微微嘅油花，加埋葱、蒜片，口感丰富。 ❤️铁板炒饭呢个炒饭以高菜同樱花虾为主，高菜微酸清爽，同樱花虾嘅鲜味结合，加埋金黄色又香又松化嘅炒饭，系令人好满足嘅主食。 ❤️日式炒野菜以日式风味为基调，味道清爽。新鲜嘅蔬菜经过快速炒煮，保留左佢哋嘅原汁原味。 最后，点左红豆绿茶雪糕，雪糕唔太甜，加埋大大粒红豆同威化脆脆，为呢一餐铁板盛宴画上完美句号😋。