三本目 (華成樓) (已結業)

食過幾間外賣壽司店，覺得荃灣哩間質素最好，之前病左好耐無得食生冷野🥲 今日解禁就去幫襯多次。鋪頭係外賣自取，即叫即整，所有可以提早落定單，去到攞就得。今次叫左火炙魚生丼同壽司一人盛套餐Set C，埋單都只係$144，真係好抵食！火炙魚生丼送一個三文魚味噌湯，而個丼好足料，有三文魚、魚籽、玉子、蝦等等鋪滿個面，每樣都大大件，而個飯仲有醃蘿蔔同腐皮去調味。而一人盛Set C有十件壽司：三文魚、赤貝、北寄貝、赤海蝦同吞拿魚，同丼份一樣啲魚生都係大大件。佢地仲有好心思咁係魚生上𠝹左花，咁可以掛到啲鼓油入去，唔係間間外賣壽司鋪會咁花心機。哩間食左兩次，質素都高，價錢又抵，會再幫襯！