新文記茶餐廳 (已結業)

27-6-2010繼續邊食早餐邊等朋友, 是日又風大雨大嚟到登龍街, 避雨避到入呢間麻甩茶記, 食個餐蛋治烘底 + 熱華田 (「雙併三文治」餐 $24).熱華田本來無乜好評, 叫嚟純粹因為是日奶茶咖啡檸茶檸水通通唔飲得, 不過呢度的「奶」成份比出面好多地方重得多, 飲落亦當然無咁稀, 又比預期中好. 餐蛋治烘底就有好有唔好 -- 蛋炒得尚算香滑, 餐肉煎過但仍然腍腍散散又油淋淋, 麵包就索晒餐肉及炒蛋的油, 咬落油溼溼之餘, 質地亦韌韌的, 最後還是食剩了.放低 $24 離開, 仲係咁大雨, 點算...