明珠小館 (已結業)

近來天氣乾燥，想食下多多湯的上海菜！朋友suggested「不如試呢間啦～～」 等等！呢間唔係明明寫住「粵菜」𠺢咩！？奇怪。。menu上真的有「烤夫」、「醉雞」、「紅燒肉」等，以為openrice 寫錯啦，但你想要「小籠包」、「雲吞」又偏偏唔見，真係估佢唔倒。。

菜式選擇少又少，但唔理啦，快餓死，求其叫住個appetizer先，就炸豆腐粒&口水雞啦！但之所謂「一試就知龍與鳳」，嘗到的只有味精與「鞋」肉後，再試埋個超浠超水的擔擔麵.....Done! 收工！雖然未飽但都冇意欲再叫任何野。。sorry, 太失望啦。。

雖然如此，但這裡環境倒是不錯呢！這裡乾淨、舒服、唔駛等位。。不過這樣的品質with這樣的價錢，我寧願用45min去等其他上海菜館。。