川一派 (已結業)

收工附近間間都收，經過呢間仲未last order就入去試一試，叫左青江魚，朋友唔食得辣叫左bb辣，但因為我鍾意辣，佢地好細心另外附上辣椒俾我，酸麻辣好開胃，魚炸得好香口又滑，賣相都唔錯，睇落都覺得好好味，試左一啖，我同朋友一齊忍唔住都話好好味喔😯覺得好驚喜，飲埋啖湯不得了，湯唔油酸酸辣辣又濃味，酸度岩岩好，好岩我口味🤤🤤🤤之後叫做燒蜜糖粟米同燒扇貝，扇貝$58兩隻勁厚肉又抵食，燒得都好好味，有碳香味😋😋😋😋所有野都岩我口味，加上夜晚呢個阿姐服務態度好好，全程服務周到～最後仲有甜品，朋友都忍唔住俾tips～下次一定會再黎食，同一定介紹俾朋友