東京手打烏冬專門店 (已結業)

💛#黃店特登plan好要去想甜嚐甜食甜品，於是就搵咗一間小店食晚餐費事食太飽。店舖位置雖然都要行多幾步先搵到，反而比較近出名飲朱古力嗰間Easy Joe附近，不過佢間野內裏都幾大，午餐晚餐都有set價錢經濟，走街坊路線～👓雜錦魚生飯·壽司飯/白飯．跟麵豉湯、前菜、熱飲 $69有三文魚吞拿魚鮪魚粒、八爪魚粒、青瓜同醃蘿蔔粒。三文魚粒份量會比較多少少。刺身粒都厚肉新鮮冇乜根，唔會話係求其hea貨，望落都有光澤新鮮。可能有啲人吾鍾意有青瓜蘿蔔，但反而覺得加咗多咗份清新感，減輕漏感。前菜係中華沙律，有個簡單嘅麵豉湯，呢個價錢食到魚生飯仲有啖熱湯飲都幾豐富，算係咁啦評分：7/10👓自家製豬完骨手打烏冬/蕎麥麵 $50其實佢有同款嘅烏冬定食$68跟加州卷兩舊、前菜、熱飲，但係驚太飽所以就單點左個😗有大約四舊豬軟骨，都淋嘅不過我覺得可以再淋少少會更滋味。豬骨湯底配上兩舊竹輪，正常熱湯底唔會太鹹。間舖頭叫手打烏冬咁梗係試吓佢哋嘅烏冬，烏冬的確彈牙爽口唔會太淋，係好食，不過又未去到非常出色嘅地步😂係碗正常嘅烏冬😂環境幾舒服可以坐得耐，而且播住廣東歌聽住熟悉嘅歌曲食飯，唔使食太飽然後準備去食糖水都幾好~評