五邑燒味中廚 (已結業)

今日沿路大角咀覓食, 可惜已錯過最佳時間, 間間食肆均爆滿。 最後轉角時發現見有間中菜茶餐廳仍有位置,一於入去醫肚餐。餐廳與一般茶餐廳無異, 實屬大眾食肆。先看一看是日餐牌, 價錢只需要$40大元, 且包括例湯, 熱飲, 非常實惠。是日例湯: 冬瓜湯菜甫蒸鯇魚飯 $40鯇魚份量非常足料, 與坊間只有一小截的份量大相徑庭。且魚肉蒸煮火候岩岩好, 魚肉彈牙鮮味, 而不會有過韌。加上蔥粒及菜甫非常惹味, 令人食指大動, 惟魚肉部份位置比較多骨, 進食時需要當心。另, 餐廳提供的白飯非常大碗, 所以已預先叫店員減量, 以免浪費。今時今日萬物騰貴的香港, 以$40的價錢有美味加飽腹, 非常超值抵食。