端城食館

营业中

休息中

八點半來到大明里搵嘢食，都夜了，隨便見到這間端城食館就坐低。老闆都幾好招呼，落單快，上菜快，又有禮貌，本來自己唔開心的氣氛即刻好起來。點了晚餐豉椒排骨炒河$45，小菜單點三色椒炒豬肚$55。呢度食物價錢真係經濟實惠益街坊，睇餐牌，已經好耐冇見過呢啲價錢。三色椒炒豬肚幾好味，豬肚有胡椒香，咸咸地幾開胃，配三色椒炒，爽口清甜，份量以$55的價錢來說，絕對超值。豉椒排骨炒河，豉椒味淡一點，醬汁可以兜勻啲會更好。排骨份量適中，勝在夠大碟，用的是幼河粉，個人幾喜歡吃幼河粉的口感。二人吃一碟河粉一個小菜，已經非常飽肚，絕對是街坊飯堂，味道還可以吧，經濟用餐首選！原來開到夜晚十二點，所以夜收工都有嘢食了。