肯德基家鄉雞 (KFC) (已結業)

去過幾次呢間肯德基，都係因為想食紫薯白玉新地雪糕，次次唔係撞岩賣哂就係洗機，都食唔到。今次終於很榮幸地食到，而且係最後一杯紫薯白玉新地雪糕，咁難得食到，但姐姐手勢唔好，賣相差啲啲，雪糕顏色無廣告咁sharp，但估唔到紫薯味都幾濃郁。果兩粒白玉，其實無咩特別。另外點左個巴辣香雞翼茶餐，KFC始終都係雞翼最入味，夠香夠辣，一啖皮一啖肉，唔會食完塊皮已經覺得膩。而鬆餅同葡撻就keep到一貫水準，不過不失。Btw，呢間肯德基裝修幾得意，一格格半開揚咁，感覺上私人空間多左。