沙嗲城 (已結業)

本人係一個從來都唔寫食評嘅人, 原因係唔喜歡寫文章同一個字賴。 不過今次唔寫唔得,因為喺一年幾前巳經答應咗老闆會給他食評,最近老闆又問我寫咗末,攪到我同我啲同事都唔好意思, 話寫話寫,寫咗成年都未寫,所以今次一定要落筆啦!回歸正題其實我同我一班同事大大話話都已經幫襯咗有三四年食lunch啦, 每隔一星期我哋都會去幫襯吓, 老闆份人好好, 好風趣,好勤力樣樣都做(一腳踢)。食物方面其實差唔多樣樣都食過,overall 嚟講都ok, 價錢都好合理如果唔係我哋點會幫襯咗咁多年呀。直得誠意推介一定係白咖喱,香茅豬扒同炸魚柳, 真係好好食, 至於生牛可粉味道一般,未至於好差但又未至於好食,主要原因係湯底牛肉味唔夠濃但味道都可以, 如果湯底再濃啲味就perfect啦! 其他小吃如越式春卷,炸蝦餅同粉包都值得一試。至於剛剛推出的撈通心米線,本人就覺得麻麻啦! 總結味道係過得去嘅, 老闆service 喺一流嘅!