阿銀冰室 (已結業)

之前幫襯過幾次，本來食物可以，環境舒適，但今次去，發覺已經加晒價，最離譜係杯十勝紅豆冰，竟然有一半係紅腰豆！叫做紅腰豆冰就差唔多！去的時候係下午4點幾，成間餐廳坐得兩枱客，叫個下午茶餐，食到一半個侍應想埋嚟收嘢，喂我未食完㗎，好彩即刻叫停佢。一個鐘後，侍應又走來叫我埋單，話用餐時間已過，我話成間餐廳都冇人喎？佢竟然答係疫情考慮。吓，每枱規定食一個鐘，自然轉枱轉得快，客人就更多，有咩事咁樣其實反而更易傳染！其實真正原因，係想轉多幾次枱賺多啲姐，做生意當然明白，但成間餐廳都冇人，咁樣趕客只會得罪客人，又唔見賺多咗。其實本來仲想叫個多外賣，咁情況即刻走啦。