辛安東元祖奶奶雞 (已結業)

想食韩国嘢，谂起辛安东奶奶鸡。由于惊无位，所以打左黎订枱。但原来6点哩转系即场排队入，订唔订枱都一样。每枱限时1.5个钟，每人最低消费$150。两个人点左三样嘢，要加埋一先啱啱好够$300，但其实已经好饱🤣辛安东奶奶鸡（半只）小辣$158今日师傅切鸡切得太碎，鸡骨粒痴晒喺啲「陪煮」嘅青瓜同萝卜度，第一次食鸡食到好似食鱼咁要好小心。味道系ok嘅，咸甜适中。「小辣」系唔辣嘅，如果想有辣味应该最少要叫中辣。韩式泡菜小笼包$58因为好钟意食韩国嘅「馒头」，以为系一样，所以点左，但同想像中有啲岀入。用蒸笼上枱，真系好似平时食开嘅小笼包咁细粒。味道ok，但佢个馅可以再饱满同实啲，而家个版本个馅有啲松散，如果可多啲粉丝同泡菜，应该会有味啲，同好食啲。辣炒年糕$68哩个好味，用热锅上，食到尾都暖笠笠。加左个生蛋，捞匀后个汁仲thick啲。因为个「小笼包」味道相对淡，我都有用哩个汁去送。但系年糕份量偏少，配菜就比较多。