泰美味

营业中

休息中

一入黎同收银阿姐（或者系老板娘）讲两位谂住坐底食野因为有2张吉台系到， 收银阿姐即刻话未执台都话等等啰，已经feel到呢位收银阿姐燥燥地。等左一阵短时间，另一位泰国阿姐问我系咪等外卖，一问先知我系等台就即刻比左之前张吉台我先。好啦，坐底无耐收银阿姐见到细台埋单即刻叫我转返细台，我都二话不说转台，但到我同佢讲落单，佢竟然话前边有太多人落单依家落唔到单之后就整其他野凉我系到，真系好无语🙄🙄，之前好多人落单关你依家帮客人落唔落单咩事，客人坐底竟然唔比落单仲要因为呢种理由真系大开眼界，重点系我见到另一位泰国姐姐帮另一台客落单（佢迟过我叫野），所以点解呢位收银姐姐唔可以帮我落单呢？ 似系心情唔好唔想做，或者系佢睇我唔顺眼啦。 anyway, 我都唔知呢位收银阿姐之后会唔会特登要我地再等，即刻叫朋友转去其他餐厅食。平日无咩机会黎美孚，希望大家唔好遇到咁古怪既dinning experience 啦