港口味冰室 (已結業)

今日同朋友去到荔枝角简单食个午餐就拣咗港口味冰室，位置系元州邨附近，因为我哋非常肚饿所以叫咗唔少嘢食，两个人叫咗叉烧煎蛋饭，西多士，炸鸡髀同埋两杯嘢饮。西多士非常有惊喜，传统西多士同里面嘅流心芝士配搭非常好，外脆内软，非常好味。炸髀炸得唔干，上面有避风塘调味粉，有少少香辣嘅感觉几过瘾。呢度嘅叉烧煎蛋饭系用西班牙黑毛猪做嘅叉烧，味道几香，若果叉烧瘦啲会更加好。虽然我哋食咗几样比较流嘅食物，但最咪饮番杯薄荷朱古力成个人感觉精神晒。总括而言呢间冰室比我嘅感觉几正面，而且价钱合理，有机会经过一定会再嚟！