品越越式料理 (雅蘭中心) (已結業)

去唔到越南，就食下越南菜望梅止渴啦。今日去咗位于旺角雅兰中心一楼嘅品越食饭。牛油鸡翼卖相几精致，一客四件，鸡翼大大只，外层炸到涨卜卜，有啲似天妇罗咁。一咬，个心炸到热腾腾，出晒烟，鸡肉亦都好滑，作餐前小食系不错嘅选择。牛油果大虾沙律日日都讲圴衡饮食，菜类又点少得。身为牛油果控嘅我，即时点个牛油果沙律开开胃先。如图所示，沙律一边放满大虾，另一边放满切粒嘅牛油果。蔬菜都几好鲜，配个酸味味嘅汁，感觉清新，大虾精营通透，口感爽脆鲜味。生牛肉汤河$70食越南菜又点小得一碗生牛肉汤河。有大量牛肉舖系面头，睇住佢慢慢被汤浸熟，真系好令人期待。先汤啖汤，再食一口河粉，大满足。咖哩牛腩 $88 咖喱牛腩好难输。餐厅好有心地用炉火一直 heat 住个咖哩，咁就唔食到甘上下就冻晒，琼埋。牛腩切到一啖一件，肥瘦都好平圴。咖哩香气扑鼻，令人欲罢不能，无论送白饭定面包都好夹。蒜蓉包一客四件，主要攞嚟送咖哩。薄饼同样地攞嚟送咖喱，个薄饼几松软，不错不错。牛油果奶昔沙冰 $35又系牛油果啊。目测色水几靓，淡淡嘅湖水绿色。个奶昔打到好好，一块冰粒都饮唔到，所以个口感好滑。味道上有阵阵牛油果香味，同时饮得出有啲炼奶味，甜