三哥廚房擔擔麵菜飯專門店

係馬鞍山依個美食沙漠搵到唔錯嘅餐廳，點都要試試～鋪頭裝潢一啲都唔似上海菜餐廳。星期日晚上食飯都排隊等左大概半個鐘。我地點左例牌嘅排骨菜飯，炸排骨炸到剛剛好，食到停唔到👅🤤製作需要二十分鐘嘅砂鍋雲吞雞，係全日最好食嘅菜式，雞湯好濃郁，感覺超級足料，飲完好暖胃～雲吞皮稍嫌厚左啲，不過饀料味道不錯。口水雞賣相同醬汁好好，不過啲雞食落有冰鮮味😦雪菜肉絲炒年糕同鎮江骨質素一般，無乜特別。