富臨皇宮 (已結業)

同屋企人食飯， 首選一定係富臨，因為平時飲早茶都喺富臨， 晚飯質素應該有保證。海參花菇玉掌煲， 花菇雖然成寸厚好大隻，海參發得好大條， 但係非常入味，加埋老人家喜歡的鴨掌，食到佢哋舐舐脷。涼瓜肉碎煎蛋， 涼瓜切成一粒一粒加埋肉碎香蔥 一齊炒蛋，蛋餅切開八塊， 火喉控制得非常好， 煎得金黃色，不會一夾就散，簡單又健康。新鮮的菜肉包熱辣辣送上來， 外邊煎得香脆脆， 入面好鬆軟。切記一上台就夾嚟食， 因為真係好熱，小心你的舌頭。一家人都對今晚的菜式非常滿，有時間可以試其他小菜。