Emporio Antico (已結業)

情人节晚，我一早book左20:00，落左订，到今日先7点打电话来话叫我推迟我个booking 30分钟，因为有overlapped booking，而偏偏要推迟我，我简直觉得难以置信。咁我同女朋友一齐照20:05上去问下咩事啦，哦，原来有一枱人迟左一个钟到，所以我来到就无枱要等30分钟睇佢食完。即系佢迟一个钟就可以入座，我准时到就单一句就推迟我？ 好，我同女朋友落去行一阵，20:30上返去，我expect你应承我20:30就OK，上到去，话人地食紧甜品，要多15分钟，我地火都滚，无谂住同佢闹交，我叫佢揾话事人同我解释一下，个waitress 都系按order做野，对事唔对人。个老板，连出都唔去来同我讲声唔好意思，净系叫个waitress同我say sorry，话送香槟。吓，我来系想欣赏你嘅野食，唔系想贪你小便宜，唔系要free野你搞清楚。我到宜家都唔明点解人地迟到就可以推迟我去就佢地，公平？如果系咁，我要booking做咩？如果系其他原因我都可以等，因为其他人迟到我唔可以接受。无食到走左，我唔知食物好唔好味，但系我谂一间餐厅唔系净系卖野食。