文利餐廳小廚 (已結業)

係我同老公既飯堂之一！因為抵食，最平$28有個炒粉麵飯！連飲品（好似仲有湯）

佢有套餐，例如二人餐，$70，有海南雞一碟，一個小菜任揀，兩個飯，兩個湯（湯有中、紅及白三種），兩杯飲品，一碟油菜（不過係幾條生菜而已）。有大大電視機。坐得都幾舒服，ｄ卡位係有墊果種。服務方面，侍應只有一個，不過次次去都唔多人，都唔會話等好耐。

佢仲有好多其他野食，例如炒公仔麵，咖哩飯之類，好多野揀！

不過，正如另一間文利一樣，佢既干燒伊麵係濕既，我無食過呢間，不過問左佢！嘻嘻！