外賣自取一個排骨菜飯 一個餐炸喎
我等左超過30分鐘都未有
人地71x 72x嘅號都到齊 我仲未有！
我吹佢左佢2次 話切緊切緊 但都係人地嘅餐出先
最後我係係7:07先拎到一個餐！
即係我等左足足40分鐘 俾錢買到一肚氣
仲見到入面啲人做嘢慢吞吞 真係好似慢動作咁😐
為左俾到負皮我決定詳談埋佢個排骨菜飯😛
有食過都唔陌生 但我今次呢個真係差到冇得再差
啲排骨細舊到我以為係鵪鶉排骨 飯就散Q哂
放係左邊嘅肉燥可以出現係右邊嘅盒邊到👍🏻
真係唔知我食個盒定要食盒入面嘅嘢
$53 等左40分鐘 咁嘅質素我去食大家樂唔好？
