影片
更多
2025-07-14
0 浏览
呢日午飯時間，為咗避開午市高峰期，所以拖到13:40先去搵食，沿路嚟到呢一間，抱著唔好就一次，好就嚟多次嘅心態入去試食。服務員第一時間畀咗杯水，算係有心，拎啲餐牌嚟睇，結論都係客飯划算啲，是日由於係星期五，見到個餐牌上有個：一刀兩斷叉燒飯，對於喜歡好奇嘅我，自然唔使諗，但點知一叫餐時，侍應大叔即刻話B餐同D餐（即係叉燒飯）都無，由於我唔食得太辣，亦唔太喜歡油麥菜，於是只好叫F餐馬拉盞牛鬆炒飯，配熱奶茶。呢個餐包埋個中湯，雖然每日都唔同款，但主要食材都係一樣：唐排，即是豬骨。個湯起我落完order之後即刻送到，高效率。但奇怪嘅係個湯渣唔係唐排，而似係鴨下巴嘅嘢（無影到相），即係話個湯會加埋啲下欄嘢落去，令啖湯更鮮甜。接著當然係奶茶（漏影相），杯茶有茶味，唔會過濃，但香味唔夠，而且只提供包裝沙糖，而無啡糖，呢啲方面就失色咗啲。個飯相信係即炒嘅關係，所以姍姍來遲，導致我食食下先記得影相，起等候個飯嚟嘅時間，我見到佢哋除咗提供包裝白沙糖外，仲有辣椒油及包裝辣椒醬，於是又試下搞搞新意思，將辣椒醬放入炒飯度，睇吓有咩效果，所以會見到個炒飯帶些少紅色，就係咁解。至於味道方面，馬拉盞即係蝦醬，正常嚟計
服務員第一時間畀咗杯水，算係有心，拎啲餐牌嚟睇，結論都係客飯划算啲，是日由於係星期五，見到個餐牌上有個：一刀兩斷叉燒飯，對於喜歡好奇嘅我，自然唔使諗，但點知一叫餐時，侍應大叔即刻話B餐同D餐（即係叉燒飯）都無，由於我唔食得太辣，亦唔太喜歡油麥菜，於是只好叫F餐馬拉盞牛鬆炒飯，配熱奶茶。
呢個餐包埋個中湯，雖然每日都唔同款，但主要食材都係一樣：唐排，即是豬骨。個湯起我落完order之後即刻送到，高效率。但奇怪嘅係個湯渣唔係唐排，而似係鴨下巴嘅嘢（無影到相），即係話個湯會加埋啲下欄嘢落去，令啖湯更鮮甜。
接著當然係奶茶（漏影相），杯茶有茶味，唔會過濃，但香味唔夠，而且只提供包裝沙糖，而無啡糖，呢啲方面就失色咗啲。
個飯相信係即炒嘅關係，所以姍姍來遲，導致我食食下先記得影相，起等候個飯嚟嘅時間，我見到佢哋除咗提供包裝白沙糖外，仲有辣椒油及包裝辣椒醬，於是又試下搞搞新意思，將辣椒醬放入炒飯度，睇吓有咩效果，所以會見到個炒飯帶些少紅色，就係咁解。
至於味道方面，馬拉盞即係蝦醬，正常嚟計，應該聞到祲蝦醬香味，可惜我聞唔到，雖則食落有啲蝦醬味，但味道唔濃，個牛鬆亦完全唔似係鬆，即係話切或攪得唔夠碎，仍見到丁方一小片，慶幸炒得算係乾身，配上菜心粒及辣椒醬，味道算係及格多啲啲啦！
$56有湯有飲品有飯，呢個價錢相比連鎖快餐店，絕對係抵。
期待下次可以同個叉燒飯一刀兩斷，希望到時會有驚喜，而唔係只係平平無奇嘅叉燒飯。
张贴
