海景茶座 (已結業)

尋找東涌食店，見到海景茶座有海景睇，環境都唔錯，所以選擇左佢。昨晚大約8:15來到茶座，好快就點左四個菜，雞煲、魚香茄魚煲、京都骨同紅燒豆腐煲，仲叫左一支啤酒諗住一邊飲一邊等菜到。大約15分鐘，來左第一味啫啫雞煲，所以再叫左幾個白飯諗住一陣食魚白茄子可以送飯😆15分鐘其實都有啲耐，見到附近有一兩枱客都催緊佢。我地繼續等呀等......個老闆走過來問我地啲餸係咪來齊🤦🏾‍♀️我地即答仲有三個未到，旁邊幾個staff都一齊應：「係呀！仲有幾個呀」之後老闆就話即刻幫我地跟跟。咁我地當佢唔小心漏左單或者出錯，唔緊要！我地再等😐我左一個鐘......仲未來第二個餸，等到幾個白飯都乾哂😵但見佢一直不停出外賣。我地幾個都等唔到了，好餓，9:30仲係食得一個煲同埋幾啖白飯，決定埋單走人去第度食😤老闆可能都預左，不停道歉，仲話下次來比個折頭我地，但我諗真係無下次🙃咁大個人都未試過等到白飯凍哂都未出到菜。😤要等都唔緊要，但起碼都同客講聲大概幾耐要呀，咁多staff好得閒都唔會走過黎講聲或者同客人解釋下。如果我地唔走係咪要等一晚？ 強調番果晚得幾枱客，完全唔忙！☝🏻☝🏻如果大家真係好得閒，可以騰出1個鐘或更多