絲茶 (已結業)

今日行經過天后冇時間食lunch，附近搵左間麵包舖買啲麵包醫肚，順便買埋飲品先，經過見到呢度有好多款式，有絲茶、鮮乳，芝霧等等，款款都好吸引，一於嚟試吓先。我同老公一人揀咗一款木瓜鮮乳飲得出粒粒新鮮果肉，係新鮮木瓜同埋牛奶整成，好真材實料，木瓜幾清甜，牛奶質地濃稠，我本身都好鍾意飲木瓜奶，會成杯個感覺好新鮮好好飲❤️絲襪港茶果然如其名，奶茶好有港式茶餐廳嘅味道，香醇濃滑，份量夠晒多，叫咗少甜，甜度啱啱好，非常滿足，即刻好提神😋第一次試飲飲估唔到有驚喜，足料大杯，味道又好，正