樺麵包

营业中

休息中

最近睇Youtube見到有人介紹九龍城一間Burger店，話佢嘅麵包係自家製之餘，係附近仲開左間麵包舖😯。當時佢有拍攝埋麵包舖，我見到有款叫麥香蛋白蛋糕，一直中意食麥皮嘅我，即時入左腦😏。麥香蛋糕(加麥皮) $18當日下午2點幾去到，得番最後一件，其餘果D係無加麥皮嘅麥蛋糕，識揀一定揀有麥皮。我第一次見呢款蛋糕，佢係裡裡外外都舖滿麥皮，非常吸引!雖然蛋香味無全蛋嘅海棉蛋糕咁濃，但都有蛋味，另外仲有淡淡麥皮香，而且仲食得到一粒粒嘅麥皮，非常有口感，加上甜度低、空孔細密有彈性、鬆軟，係一款唔錯嘅蛋糕。