容記茶餐廳

营业中

休息中

今日特登去試第一次午餐，叫左個【芽菜香芹肉片飯】，芽菜絲 + 香芹幼條 + 幾塊極其細小肉片，但係茨汁多到離哂譜，而且係淡而無味油淋淋。我仲要倒幾滴豉油落飯度，好勉強先可爬到五份一白飯，其他鋪滿茨汁嘅飯，我真係要為健康著想唔敢食。凍奶茶飲到有茶包味，10 分只值 6.5 分，又係淡而無茶味。現場見到菜牌，潮式牛雜牛腩雲吞粉麵，唔明點解勁貴，仲貴過好多出名麵店添! 一碗雲吞麵都要成 $25元或以上，我真係接受唔到囉! 唔明點解食店一雞死一雞嗚，但又咁多出品求其嘅出現?! 全店只見事頭婆收銀及寫單，人手極之唔夠，我住左好耐想起身走人，佢先見到我招呼我。不過講價錢深水埗區唔貴，但弊在碟頭飯真係差，輝已經少唔在講，份量少到好難搵到間少過佢，下次唔使旨意我會再幫襯。