茶星人 (西邨街市) (已結業)

有人請飲珍奶，我當然樂意啦！今次呢間仲要未飲過，而且屋企附近亦冇分店，今次錯過唔知等到幾時！😅相逢恨晚，落order 嗰陣已經係黃昏時間，怕夜晚瞓唔著，我唔敢買茶系列。唯有買黑糖波霸厚芝奶，芝芝火火解喝。黑糖波霸厚芝奶（半糖）芝士奶蓋味道濃郁，鹹鹹地唔會覺得好滯好膩。黑糖波霸軟硬適中，點咗半糖，整體唔會好甜。全日任何時候飲都啱飲，絕對係 All-Day-Drink。芝芝火火芝士奶蓋仍舊濃郁，火龍果選用新鮮紅肉火龍果，打成沙冰狀，味道清甜，顏色比白肉火龍果靚好多。口感好fresh 鮮果味爆棚，飲完仲幾開胃吓。第一次接觸茶星人，感覺良好，期待下次再接觸。