金亮點荷香籠仔飯專門店 (已結業)

呢排都會試下唔同的餐廳，一來想同大家分享多啲唔同的食評，二來亦想發掘下其他美食。

今晚揾到金亮點荷香籠仔飯專門店，叫咗一堆我同家人都鍾意的點心，再加埋章魚肉餅飯：

先講個飯，章魚的香味唔算突出，不過肉餅幾好食，配埋生菜及棗蓉糕，OK。

叉燒腸粉，有芫茜喺裏面，麻麻地鐘意。

黑金流沙包及蠔皇鮮竹卷都整得好味。

金蒜蒸排骨, 太多骨，鍾意食肉的我唔係太識得去欣賞。

鮮蝦菜苗餃蝦肉新鮮，而鯪魚球有彈牙的口感，整得好味。

灌湯餃可能因為外賣送餐而散晒，呢個就差啲。

整體金亮點的食品質素，第一次的評價算係唔錯，會繼續幫襯試下。