彩晶軒

营业中

休息中

今晚，第一次幫襯呢間酒樓，兩個人叫了孖寶，有蒸沙巴龍躉魚同半隻燒雞，價錢$208，質素中規中矩。差不多食完，見隔離3人枱有糖水，問侍應係咪有糖水送，佢話依家冇糖水送，諗住佢做細未必話到事，於是再試吓問吓高級啲著西裝嘅男經理，佢答依家改咗冇糖水送，但我聽到另一邊隔離有位太太同佢朋友講呢度有紅豆沙送，叫朋友食埋先走，過了一陣，有位女經理捧住5碗紅豆沙送去俾果兩位太太，我就問呢位女經理係咪有糖水送，佢疾咗一下，話係人哋order, 我再問頭先話有糖水送嘅太太係咪叫嘅，佢當下答係呀，到女經理捧住餘下三碗糖水送去另一張枱時，太太同我講唔想令經理難做所以答係，佢都好認同佢哋做法太唔公平，我同佢做得咁小家，一碗紅豆沙值幾多錢，淨係送俾熟客，生客就冇得送，冇生客何來會有熟客，既然食得咁唔愉快，亦都唔會有下一次，依家市道咁差，有邊間餐廳食店唔想留住客人，但呢間酒樓連碗糖水都要選擇性咁送出去，絕對唔會再去。