影片
更多
2008-05-25
40 浏览
第一次去重慶大廈,成堆印巴男子過o黎塞卡片。最後是但撘左部lift, 見有會員卡就上左3樓，真真印度咖喱王。呢度間間都係咖喱王，其實都唔知邊間真...唯有是是但但試一試。差唔多兩點上到去，其實由踏入門口到撘lift, 心情唔知點解都有d不安，入到去，見餐廳環境都OK乾淨，坐得舒服，而且有部plasma電視, 雖然比較黑,但頭先既不安完全消失。侍應先o黎兩塊脆卜卜既餅，有d黑椒，不過太咸，仲有兩個醬, 紅色既甜甜的似叉燒醬，另一個白色既似yogurt 兩個人，叫左以下食物芒果乳酸mango lassi $18: 好好飲!!極力推介，其實有d似牛奶公司既乳酸飲品，不過冇咁甜，多d奶味。samosa 印度咖哩角$20: 一碟3隻，外層卜卜脆又唔太油，入面主要係薯蓉同香料。餐牌上寫既係蔬菜咖哩角，雖然冇乜蔬菜，不過都幾好味，但注意幾大隻都幾滯。mutton masala咖哩羊$55: 紅色香料味極重既咖哩，羊肉亦冇乜"蘇"味，份量唔少，其實幾香濃，可惜有d咸，要配大量飯同naan食咖哩牛$55:仲以為個名冇masala 會係唔同既咖哩，係有少少唔同，甜dd, 不過其實差不多，而且牛肉比較少，我
差唔多兩點上到去，其實由踏入門口到撘lift, 心情唔知點解都有d不安，入到去，見餐廳環境都OK乾淨，坐得舒服，而且有部plasma電視, 雖然比較黑,但頭先既不安完全消失。
侍應先o黎兩塊脆卜卜既餅，有d黑椒，不過太咸，仲有兩個醬, 紅色既甜甜的似叉燒醬，另一個白色既似yogurt
兩個人，叫左以下食物
芒果乳酸mango lassi $18:
好好飲!!極力推介，其實有d似牛奶公司既乳酸飲品，不過冇咁甜，多d奶味。
samosa 印度咖哩角$20:
一碟3隻，外層卜卜脆又唔太油，入面主要係薯蓉同香料。餐牌上寫既係蔬菜咖哩角，雖然冇乜蔬菜，不過都幾好味，但注意幾大隻都幾滯。
mutton masala咖哩羊$55:
紅色香料味極重既咖哩，羊肉亦冇乜"蘇"味，份量唔少，其實幾香濃，可惜有d咸，要配大量飯同naan食
咖哩牛$55:
仲以為個名冇masala 會係唔同既咖哩，係有少少唔同，甜dd, 不過其實差不多，而且牛肉比較少，我都係鐘意羊多d
印度黃飯$25:
係白, 紅, 黃三色既印度飯，睇menu見到一大盤，實物就細好多，不過好食就唔緊要啦，米粒長長的，炒得好乾身，送咖喱一流!!
牛油naan$15:
呢個就熱熱的，幾香，但都唔算太驚喜，都係用o黎點咖喱。
菠菜芝士(35?!唔記得):
味道清清地，減低咖喱既剌激。不過我唔太欣賞舊cheese, 似豆腐，之前o係香港仔另一間印度菜館試過好味d
可能點菜既策略出問題，三碟都係好多汁haha，而且個人接受唔到太濃味, 雖然臨行前有飲水，之後行街都幾口乾。最後埋單計埋9折$220
值得一提我覺得印度侍應哥哥好有禮貌，服務殷勤。
如果下次再去重慶大廈，唔想o係樓下又o黎一番糾纏，我諗我都會再幫襯呢間。
张贴
