許留山 (已結業)

仲记得细个，好钟意食甜品，当年许留山风行一时，每次阿妈带我去食，我都会兴奋不已，细个其实真系好容易就好开心。今日放工，经过许留山，突然间好想重拾童年嘅回忆。我叫左个多芒小丸子，一如既往系用芒果做主角，芒果成熟嘅程度啱啱好，好香好甜，反而小丸子可能因为冻嘅关系就有啲偏硬，而中间个芒果味雪葩我就最钟意食啦，因为佢充满芒果味之余又唔会好肥，酸酸地又甜甜地，但系好可惜，佢同图片嘅不符，因为佢只系得八成满，返咗一日工，食返个甜品，真系可以疲劳尽销。