3
邊個話太安樓剩係可以掃街㗎？
今次就俾我發現咗呢間新開嘅四川麻辣燙
老闆娘介紹係私房菜大廚主理 有品質保證
而且無味精 果然食完冇口渴！
❣️花膠雞米線
花膠份量好足 見到個金黃色嘅湯 就知濃郁
大大隻嘅雞髀 肉質夠晒滑溜 仲有啲娃娃菜 掛湯一流
❣️酸辣金湯飯配枝竹、墨丸、豆腐、魚腐、花甲
金湯有濃郁嘅酸菜味 可以揀辣度 有好多種配料任君選擇
海鮮、素菜、肉類都有 主食仲可以揀飯、米線、薯粉等等
❣️炸雞翼
見到大大隻嘅雞中翼炸到金黃色 隻隻飽滿脹卜卜
臨走嘅時候見啱啱炸起 即刻加單 果然滋味
❣️燒汁豬頸肉
豬頸肉燒到勁香口 帶微焦嘅空氣
醃得夠晒入味 件件都好厚身 配埋燒汁食更加惹味
❣️泰式鳳爪
魚露、檸檬汁、蒜頭、辣椒調製出多層次風味
外皮滑嫩爽口有彈性 鳳爪充分吸收了醬汁的味道
❣️拍青瓜
醬汁酸酸甜甜又帶點辣 青瓜好爽口 清新開胃
