影片
更多
2010-07-27
292 浏览
我一向有睇中醫調理身體，但係時間唔夾同真係太貴而且身體都調理得唔錯所以停咗。而我又覺得一般涼茶舖都真係一般，所以唔會買黎飲。偶然一次經過龍矯涼茶，間舖好骨子，有個姐姐仔見我望望吓就出黎同我傾偈，我見口乾買咗杯涼茶黎飲，奇怪，啲味道唔同一般既五花茶，廿四味之類，澀澀哋同埋有種DRY嘅感覺（哈，好似DRY嘅紅酒咁）。 我問佢點解嘅同埋用咩嚟煲，佢話同一般嘅一定唔同不過因為係家傳嘅秘方唔方便講。佢強調現時都市人好多時都出街食飯，煎炸油膩味精等等，呢款秘方茶可以消滯，排走積贅體內嘅污糟野。講真我果刻都係半信半疑，個個都話自己嘅野好㗎啦！不過個價錢都算合理，比起我之前睇中醫時已經經濟好多，所以買咗啲幾支番去試下。唔知係咁蹻定真係隻茶咁正，飲咗幾支塊面咁岩起嘅瘡瘡冇咗，同埋亦覺得個腸胃暢通咗。所以即管再去買黎飲，今次我哋又傾咗好耐，個姐姐仔好細心咁了解我健康嘅狀況，推介咗佢另外兩款茶俾我試，一隻係靈芝茶，另一款係首烏茶。前者可以改善睡眠質素，人自然可以精神好啲，抵抗力強啲，仲有好多功效不過唔記得晒。後者補血，我一向唔係好夠血，所以呢款都岩我。隔咗一排，明顯係個人精神咗，面色好咗又有光澤。個人都開心
而我又覺得一般涼茶舖都真係一般，所以唔會買黎飲。
偶然一次經過龍矯涼茶，間舖好骨子，有個姐姐仔見我望望吓就出黎同我傾偈，我見口乾買咗杯涼茶黎飲，奇怪，啲味道唔同一般既五花茶，廿四味之類，澀澀哋同埋有種DRY嘅感覺（哈，好似DRY嘅紅酒咁）。 我問佢點解嘅同埋用咩嚟煲，佢話同一般嘅一定唔同不過因為係家傳嘅秘方唔方便講。佢強調現時都市人好多時都出街食飯，煎炸油膩味精等等，呢款秘方茶可以消滯，排走積贅體內嘅污糟野。講真我果刻都係半信半疑，個個都話自己嘅野好㗎啦！不過個價錢都算合理，比起我之前睇中醫時已經經濟好多，所以買咗啲幾支番去試下。
唔知係咁蹻定真係隻茶咁正，飲咗幾支塊面咁岩起嘅瘡瘡冇咗，同埋亦覺得個腸胃暢通咗。所以即管再去買黎飲，今次我哋又傾咗好耐，個姐姐仔好細心咁了解我健康嘅狀況，推介咗佢另外兩款茶俾我試，一隻係靈芝茶，另一款係首烏茶。前者可以改善睡眠質素，人自然可以精神好啲，抵抗力強啲，仲有好多功效不過唔記得晒。後者補血，我一向唔係好夠血，所以呢款都岩我。
隔咗一排，明顯係個人精神咗，面色好咗又有光澤。個人都開心啲。
张贴