就係呢邊覓食 沙田好多好西
想介紹間自己幾鍾意嘅餐廳
主要以淺木、橙橘作設計元素
就連店員頂帽都係橙嚟～
每次喺度都會令我諗起濟州
講吓自己今次會嗌啲咩嘢食
4
2
- - - - - - - - - - - - - - - - - - - - - - - -
1. 輕盈又滿足的煙三文魚沙律
每次都會叫個沙律 因為清新又好足料
底下好多煙三文魚舖墊 感覺食極仲有
發現轉咗做紫洋蔥 多咗紫洋蔥嘅刺激
又有青檸帶嚟嘅酸 都幾令人開胃
1
1
2. 明太子蟹肉飯卷
喺佢四款飯卷當中 最吸引係呢個
帶有油光嘅黑海苔包住唔同餡料
包括玉子、黃瓜、青瓜同紅蘿蔔
最鍾意係一啖入口 食到餡料係多過飯
面頭明太子蓉 口感有啲似食緊沙律咁
仲有少少蟹肉點綴 中和咗明太子嘅辣
1
1
3. 超級肉蟹芝士千層麵
切開橫切面睇 清晰見到佢千層麵嘅重疊
每層都有滲入肉醬 平均麵質都有醬嘅濕潤
但係千層麵嘅邊緣又有焗到微微焦脆
面頭有塊金黃芝士融緊 仲有一勺肉醬同蛋
最後撒上啲芝士粉 似係刨巴馬臣嘅芝士碎
就算係肉醬加芝士 食完都唔會覺得膩
1
1
4. 開唔開心試咗先知嘅開心果蜜糖窩夫
覺得擺盤好靚 金黃窩夫堆疊好高 食落酥脆
上面淋咗濃郁開心果醬 味道自然偏甜
仲有忌廉/開心果同焦糖脆脆放喺最頂點綴
碟邊仲有海量唔同類型堅果作為伴碟
最開心係有南瓜籽 健康又好夾開心果
2
1
5. 清爽爆汁西柚檸檬梳打/初夏青柑柚子梳打
真係有大大塊新鮮西柚喺杯嘢度
加咗檸檬片/薄荷葉點綴 感覺更加清新
檸檬酸味蓋過西柚微苦 梳打咁飲好爽
另外偏向柔和黃色 入面有青柑同柚子
都係好夏日清新嘅感覺 同埋酸甜平衡唔錯
兩杯飲落都唔會覺得過份甜 而且解渴
1
