影片
更多
2020-09-29
231 浏览
我系附近街坊，荃景围为美食沙漠，系人都知，餐厅唔多。有日经过见到呢间餐厅，食过有返咁上下，综合所有体验：1. 意粉偏硬，有别于一般餐厅。第一次食真系以为食紧硬面，食咗一两啖又唔好意思问staff换过，算，大家过嚟揾意粉食记得叫软啲。2. 意粉应该要系西式，但偏偏有好多冬菇片。我知道呢间餐厅有做番茄汤生意，但大佬呀你哋有冇见过主流西式餐厅碟野有几块冬菇片？2.1 厨师刀工了得，切野真系切得又细又薄。食过咁多次意粉，真系唔点食得出其他𩠌嘅质感， 食过香蒜彩椒鸭胸意粉，以上所有食材都系切得超细超薄， 首先鸭胸冇咗佢应有嘅质感应有嘅厚度，其次其他𩠌都系又细冇又冇咬口，感觉净系食到意粉。3. 我食过佢嘅扒类套餐，跟薯菜同饮品。但，个套餐真系令我好surprise，surprise 在我以为会有薯条，但点知佢系比薯块（啲菜冇问题）即系话，个白色碟上面，净系有𠮶排扒，1块薯块（三角形，细细的）同埋少少菜。咁样就卖你50-70蚊。抵唔抵见人见志，但我唔觉得抵。4. 佢哋最新出左嘅汉堡包系列，我食咗佢嘅芝士牛堡跟薯角同罐装汽水。成个体验系咁，啲面包我觉得正常， 汉堡都有应有嘅厚度，抵赞。但，汉堡我净系食
有日经过见到呢间餐厅，食过有返咁上下，综合所有体验：
1. 意粉偏硬，有别于一般餐厅。第一次食真系以为食紧硬面，食咗一两啖又唔好意思问staff换过，算，大家过嚟揾意粉食记得叫软啲。
2. 意粉应该要系西式，但偏偏有好多冬菇片。我知道呢间餐厅有做番茄汤生意，但大佬呀你哋有冇见过主流西式餐厅碟野有几块冬菇片？
2.1 厨师刀工了得，切野真系切得又细又薄。食过咁多次意粉，真系唔点食得出其他𩠌嘅质感， 食过香蒜彩椒鸭胸意粉，以上所有食材都系切得超细超薄， 首先鸭胸冇咗佢应有嘅质感应有嘅厚度，其次其他𩠌都系又细冇又冇咬口，感觉净系食到意粉。
3. 我食过佢嘅扒类套餐，跟薯菜同饮品。但，个套餐真系令我好surprise，surprise 在我以为会有薯条，但点知佢系比薯块（啲菜冇问题）即系话，个白色碟上面，净系有𠮶排扒，1块薯块（三角形，细细的）同埋少少菜。咁样就卖你50-70蚊。抵唔抵见人见志，但我唔觉得抵。
4. 佢哋最新出左嘅汉堡包系列，我食咗佢嘅芝士牛堡跟薯角同罐装汽水。成个体验系咁，啲面包我觉得正常， 汉堡都有应有嘅厚度，抵赞。但，汉堡我净系食到咸味，佢本身嘅鲜味都冇；另外我怀疑厨师整嘅薯角落盐落得唔均匀，一般厨师会将炸好嘅薯角摆落个铁窦，再落少少盐，最后就系不停郁个铁窦务求令到每旧薯角都有盐味。而家我食到嘅系：部份薯角好淡， 部份薯角好咸（你会容易睇得到啲薯角表面边啲有好多盐，边啲好少盐）
所以，就算呢间餐厅价格有几平(or 贵）我唔系几推荐大家食。到最后究竟抵唔抵食好唔好食， 真系要你哋当自己做试伏器试吓里面嘅嘢食。
张贴