滾爺火鍋 (金巴利道)

新年不外乎饮饮食食，年廿九同屋企人团年，天气又冻冻哋，决定出去打边炉，呢间最正系仲有椰子鸡，啱晒阿妹口味。招牌椰子鸡锅 $248用料丰富，用足两个大椰青、两个椰皇，仲有一啲椰青肉、珍珠马蹄，加上鸡件，汤头又香又清甜，鸡肉又嫩，食完呢个椰子鸡又暖又润。Choice级美国安格斯牛肩胛 $228打边炉牛肉一定唔少得，呢个牛肩胛切得薄簿，渌几渌就食得，几嫩，食多几块都唔腻。澳洲纯牛筋丸$68呢个牛筋丸一咬开爆汁，肉味浓，爽口弹牙，渌完要吹一阵先食，小心热。虾滑$78 虾滑好出色，食得出用新鲜虾肉整，好爽，仲食到少少粒粒虾肉，口感好好。鲮鱼滑酿豆卜$38鲮鱼滑几爽滑，酿咗落豆卜上面，豆卜又吸收晒汤汁，好味。手包云吞 $44云吞馅好饱满，皮薄馅靓，冬菇猪肉馅几香几爽。手包韮菜饺 $40韮菜饺就好香韮菜味，里面几有汤汁。打边炉梗系唔少得蔬菜啦，我哋就拣咗爽口嘅唐生菜（$28）同埋我最钟意嘅西洋菜（$28），爽口冇渣。最后食埋个赞岐乌冬（$28），烟烟韧韧，吸收汤汁精华，真系冇得顶。