<鎮店麻甩雞煲(半隻)，$138>
見到寫到係鎮店，就一於揀佢喇！我地費事食太辣，所以只係點左小辣。
一黎到個樣好靚，唔會有太大陣香料味。
煮5分鐘後就可以起筷！食落好有驚喜！聞落無乜好重既味，但食落好香口好惹味，比平時既雞煲無咁重味但係夠哂香！而且雞件切得大小適中，同埋無碎骨，食落又夠哂滑，認真抵讚！除左雞之外，入面既青椒同洋蔥都一一比我地掃哂，因為真係超級惹味！
<手打墨魚滑，$68>
以$68既手打墨魚滑，份量其實都幾多，好多時出街食都係得少少。份量多之外，呢個手打墨魚滑係好好食！好彈牙，同時咬落亦好juicy咁既感覺，仲食到啲墨魚粒，絕對真材實料。
<娃娃菜，$25>
娃娃菜都幾新鮮，而且份量都好多。
<蘿蔔片，$25>
超級好食超香甜既蘿蔔片！而家呢個季節唔係旺季都好難得有咁好食既蘿蔔！
<芋絲扎，$15>
勁大碟芋絲，一放底我地第一個反應係仲抵過自己買。
<鮮牛肉，$58>
我地都覺得好好食，唔會好韌好嚡。
除左雞煲火鍋之外，啲小菜個賣相都好吸引，下次可以再去試下啲小菜！我好推介大家去食，性價比高，食材新鮮，而且服務態度好好！
