影片
更多
2024-11-22
171 浏览
呢日中午與長輩一齊嚟到呢間餐廳食午餐，佢因為無牙，於是點咗豆腐魚柳，而我雖然唔食得好辣，但就點咗刴椒蒸鯇魚，梅菜蒸鯇魚就起佢哋嘅分店試過幾次，但未試過食刴椒蒸魚，想睇下佢有幾辣。嘢食嚟得都算快，但我叫嘅係蒸魚，所以要等耐少少，但都唔算太耐，大概十零分鐘已經到咗，而最先嚟嘅，當然係長輩叫嘅豆腐魚柳。豆腐係微微煎過嘅豆腐，呢位長輩食得到，但令我呢位長輩大為懊惱嘅係魚柳，佢無諗過係炸魚柳，而且唔係早餐嗰啲大塊魚柳，而係預製有啲韌口嘅魚柳條，佢咬唔到嚟食，結果畀哂我，佢只可以食豆腐同我碟蒸魚唔辣嗰部份。呢個豆腐魚柳，有少少肉絲，味道一般，撈埋啲芡汁，收$60，我就覺得唔值啦！講返正題先，個賣相同餐牌差唔多，但由於全餐廳滿座，走廊窄，加上肚餓，所以無影到相，等到食完，啲人無咁多嘅時候，先至影返個餐牌。刴椒有紅有橙，但如果加埋啲蔥花，視覺效果會更好。味道方面，唔係好辣，我食得到，而且有啲麻嘅感覺，我喜歡。而最特別嘅地方，亦係相片睇唔出嚟嘅地方係有啲扁物似陳村粉嘅嘢墊底，吸收咗魚汁同刴椒嘅精華，本來應該好好食，但可惜係啲粉偏硬，唔夠軟滑，如果鋪嘅係腸粉或者水晶粉，我諗效果會好啲。魚嘅份量算多，收$5
嘢食嚟得都算快，但我叫嘅係蒸魚，所以要等耐少少，但都唔算太耐，大概十零分鐘已經到咗，而最先嚟嘅，當然係長輩叫嘅豆腐魚柳。
豆腐係微微煎過嘅豆腐，呢位長輩食得到，但令我呢位長輩大為懊惱嘅係魚柳，佢無諗過係炸魚柳，而且唔係早餐嗰啲大塊魚柳，而係預製有啲韌口嘅魚柳條，佢咬唔到嚟食，結果畀哂我，佢只可以食豆腐同我碟蒸魚唔辣嗰部份。
呢個豆腐魚柳，有少少肉絲，味道一般，撈埋啲芡汁，收$60，我就覺得唔值啦！
講返正題先，個賣相同餐牌差唔多，但由於全餐廳滿座，走廊窄，加上肚餓，所以無影到相，等到食完，啲人無咁多嘅時候，先至影返個餐牌。
刴椒有紅有橙，但如果加埋啲蔥花，視覺效果會更好。味道方面，唔係好辣，我食得到，而且有啲麻嘅感覺，我喜歡。而最特別嘅地方，亦係相片睇唔出嚟嘅地方係有啲扁物似陳村粉嘅嘢墊底，吸收咗魚汁同刴椒嘅精華，本來應該好好食，但可惜係啲粉偏硬，唔夠軟滑，如果鋪嘅係腸粉或者水晶粉，我諗效果會好啲。魚嘅份量算多，收$59，我覺得係可接受嘅價錢。
最後，我覺得凡係客人叫蒸魚，樓面應該主動畀個碗或者碟個客，唔使個客要問先有，自己都好清潔嘛，你話係唔係？
张贴
