滿記甜品 (已結業)

撞正係北角呢邊做野，收左工行經呢間滿記，見好耐冇食過就入左去試一試。一坐低，見到佢有期間限定。係用草莓整既甜品，睇落好似幾吸引就叫左個士多啤梨西米露。一食落口就覺得味道唔錯，佢用既士多啤梨都幾新鮮，酸酸甜甜好好味。再配埋個士多啤梨雪糕就簡直係一流。而佢個底就全部都係西米露，一食落口，啖啖西米露，正丫。而且佢仲有D碎冰係入面，同西米露一齊食個口感真係好好。同平時食到既有分別。西米露加上雪糕一齊食都好好味，食落去又另一種感覺。今次個甜品真係唔錯，下次睇下有冇機會再試埋另外幾款。