偶然的機會下, 走進店舖, 見到餐牌上有我至愛的麻辣鳯爪, 已急不及待先點, 再仔細望望有"芝士撈丁", 隨便就點了。
一心只為填飽個肚, 但竟然帶給我驚喜。
先上鳯爪, 好多地方的麻辣鳯爪, 不是太鹹, 就是不夠麻香, 又或者一味死辣, 仲有就係隻鳯爪SIZE, 一般都係比較細又瘦, 但係呢度, 我搵唔到以上的問題, 心裡面已經感到好開心。
再上芝士撈丁, 食過好幾家, 最好都係尖沙咀個間, 但係竟然俾我搵到有第2家可以拍得住。豬扒即叫即煎, 有味道, 唔駛叫都已經碎上(可見廚師的細心), 芝士汁濃稠度適中, 有陣陣芝士香, 味道剛好, 並不如外面好多一早已經煎好, 淋上個汁就算。
老闆娘自動不停為你添加清水, 看見她把枱面清潔得乾乾淨淨, 把所有東西都放得整整齊齊, 餐廳內乾淨企理, 可想而知是用心地去打理。
食過一次後, 結果一星期內去了4次,
(我都覺得自己傻傻地), 但係又好食, 服務又到位, 價錢又不高, 絕對俾到藉口自己去咁多次。
想知自己是否食得出廚師有幾用心; 老闆娘服務有幾細心, 不妨就去試一下。
其實還有很多令人窩心的地方, 希望留待之後寫食評的人寫出。
希望大家抱著客觀平常心, 食得滿足又愉快
。
