更多
2013-08-27
8 浏览
大围开咗好多新舖头,要试晒佢都有排试,今日就拣咗呢间屋子。门口望入去觉得装修几靓,一大扇木趟门,两旁系落地玻璃,但呢个设计有一个缺点……佢哋嘅餐牌放喺左边玻璃,度木门又系趟去左边,照餐牌嘅灯又唔算太光,哄埋少少睇咁啱又有人开门的话都几危险,见过有位女士差啲俾度门撞到,开门𠮶两位后生仔可能唔为意左边发生咗咩事,又开多两次门望下入面有冇位,应该两边都要有告示提下客人。入到去觉得有少少细,唔可以好Relax咁坐但都叫做OK嘅。一行两人,叫咗个和风沙律、海老天妇罗冷乌冬同埋炸牛肉饼。先上枱嘅系乌冬,上面铺咗好多菜,虽然同个沙律重叠咗……但食多啲菜都好嘅健健康康,之后系底下嘅乌冬,弹牙有嚼劲,真系做得唔错,但成碗嘢嘅败笔喺两只虾天妇罗度,首先,真系好细只,我上到嚟睇返人哋啲相,啲虾好大只㖞,对比我𠮶晚食嘅,大约得一半咁大(都未必有添),其次,可能个浆粉开得唔好,一望落去,旧嘢好扁,唔系普通天妇罗咁向四方八面松开,个皮好硬,要用力咬落去,同松脆嘅天妇罗完全系两回事,非常差。至于个沙律,普普通通,冇咩缺点亦冇咩惊喜。炸牛肉饼,可能之前𠮶两只天妇罗令我太失望,所以我对佢冇咩期望啦,但呢个又整得几好食㖞
今日就拣咗呢间屋子。
门口望入去觉得装修几靓,
一大扇木趟门,两旁系落地玻璃,
但呢个设计有一个缺点……
佢哋嘅餐牌放喺左边玻璃,
度木门又系趟去左边,
照餐牌嘅灯又唔算太光,
哄埋少少睇咁啱又有人开门的话都几危险,
见过有位女士差啲俾度门撞到,
开门𠮶两位后生仔可能唔为意左边发生咗咩事,
又开多两次门望下入面有冇位,
应该两边都要有告示提下客人。
入到去觉得有少少细,唔可以好Relax咁坐但都叫做OK嘅。
一行两人,
叫咗个和风沙律、海老天妇罗冷乌冬同埋炸牛肉饼。
先上枱嘅系乌冬,上面铺咗好多菜,
虽然同个沙律重叠咗……
但食多啲菜都好嘅健健康康,
之后系底下嘅乌冬,
弹牙有嚼劲,真系做得唔错,
但成碗嘢嘅败笔喺两只虾天妇罗度,
首先,真系好细只,
我上到嚟睇返人哋啲相,啲虾好大只㖞,
对比我𠮶晚食嘅,大约得一半咁大(都未必有添),
其次,可能个浆粉开得唔好,
一望落去,旧嘢好扁,
唔系普通天妇罗咁向四方八面松开,
个皮好硬,要用力咬落去,
同松脆嘅天妇罗完全系两回事,非常差。
至于个沙律,普普通通,冇咩缺点亦冇咩惊喜。
炸牛肉饼,
可能之前𠮶两只天妇罗令我太失望,
所以我对佢冇咩期望啦,
但呢个又整得几好食㖞,
份量又够,炸得松脆,
可能个天妇罗真系浆粉累事。
之后就叫咗两杯嘢饮,
同埋一个栗子窝夫,
由于两杯饮品好普通……我对佢哋已经冇乜印象,连名都唔记得。
相对地个窝夫整得好好,
外脆内软,又够香,上面嘅栗子茸亦都够浓唔失礼,
呢度嘅甜品可以再试。
题外话/补充资料:
可能楼面得一个嘅关系,好多时佢做到踼晒脚都冇乜心情同时间留意细节,
两个人share一个面,叫咗佢几次先拎到个碗仔,
另外做到木无表情,睇得出佢好紧张了……
(以上食记乃用户个人意见 , 并不代表OpenRice之观点。)
张贴