紅葉茶屋 (帝國中心)

营业中

休息中

今日係星期五，就梗係要happy Friday啦，不過飲嘢之前就梗係要食返一餐好味嘅嘢食，於是今日就揀咗去尖東嘅呢間紅葉茶屋，佢位置好方便，尖東站一上嚟直達！呢度裝修用咗好多木，感覺都好日式，坐得都好舒服，食物當然都係好好食！呢度餐牌好多選擇，我哋一坐低就叫咗兩個小食先，首先就係清酒煮大蜆，粒粒都好大隻好肥美，清酒亦都好香，第二樣就係三文魚他他芝士脆片，用嚟配酒真係一流。主食方面我哋就決定咗叫季節限定嘅豪華和牛肉壽喜燒定食，再加左旬之野菜。首先個椰菜真係好新鮮，而且炒得好入味，而個牛肉壽喜燒都係超出色，黃牛係入口即溶，顏色勁靚，配菜都好新鮮，壽喜燒汁個甜度亦都剛剛好！鹿兒島黑毛一口和牛定食燒得好入味，完全一啲都唔會鞋，咁當然啦，因為用上鹿兒島黑毛和牛呀嘛，真係鹿兒島數一數二嘅名物！呢一個我就加叫左個柚漬赤蝦紫菜卷，呢種shashimi handroll食法真係好正！