影片
更多
2013-01-07
55 浏览
9月6日, 我地今次買嘅呢個團購, 就係呢間好隱敝嘅食店, 位於鰂魚涌一條好細少嘅街, 如果我唔係平時喺呢頭番工都未必可以咁快搵到~ 而我地買呢個團購嘅原因, 係知道佢近期新開張, 用價錢$99就可以食到個二人餐, 食物選擇又幾多~ 是晚平日, 我地嚟到門口, 入面好多人, 雖然book咗枱都驚佢地俾唔到位. 入到去, 話book咗枱, 個呀姐乜都冇再問就叫我地坐低, 個位超窄張枱又超細, 同隔離枱相隔1/4尺都冇… 想調位d人又唔好禮貌咁話嗰d位book咗… 我地都有book位架喎!::: 夾心蝦肉酥 :::個蝦肉酥賣相係幾靚, 厚厚嘅酥皮炸到脆卜卜咁, 望落都幾香口~ 一口咬落, 炸粉夠晒厚, 外皮係脆, 但係入面嘅酥皮太油膩… 而蝦就只有少少, 尚算有味, 不過都只係似一舊油酥皮包住少少肉.::: 香葉包雞 :::香葉包雞係正常嘅味, 同平時食開嘅都冇乜分別. 唯一唔好嘅係只係同蝦肉酥一樣好油膩.::: 青木瓜絲沙律 :::沙律份量多, 要另外分一個碟上, 算係3個小食之中最唔油膩~ 沙律少少酸少少辣, 幾開胃, 青木瓜絲濕咗d, 不過都幾清新, 加埋d蘿蔔絲咁, 咁簡單嘅菜式做
::: 夾心蝦肉酥 :::
個蝦肉酥賣相係幾靚, 厚厚嘅酥皮炸到脆卜卜咁, 望落都幾香口~ 一口咬落, 炸粉夠晒厚, 外皮係脆, 但係入面嘅酥皮太油膩… 而蝦就只有少少, 尚算有味, 不過都只係似一舊油酥皮包住少少肉.
::: 香葉包雞 :::
香葉包雞係正常嘅味, 同平時食開嘅都冇乜分別. 唯一唔好嘅係只係同蝦肉酥一樣好油膩.
::: 青木瓜絲沙律 :::
沙律份量多, 要另外分一個碟上, 算係3個小食之中最唔油膩~ 沙律少少酸少少辣, 幾開胃, 青木瓜絲濕咗d, 不過都幾清新, 加埋d蘿蔔絲咁, 咁簡單嘅菜式做唔好就死啦…
::: 泰式鹵牛展 :::
牛展嘅份量就真係好多, 厚厚嘅牛展有成6件, 啖啖都係肉~ 個鹵水味係要讚嘅. 好入味, 甜甜地又少少鹹, 令到牛展味道更突出~ 牛展個肉地都唔錯, 有咬口之餘又唔係好韌, 亦都唔黐牙~
::: 泰式焗薄餅 :::
焗薄餅夠特色, 因為上枱嘅擺法好特別, 薄餅一塊一塊咁串喺一條木棒度, 再配上一兜沙爹醬~ 不過味道就麻麻, 因為佢其實即係蝦肉酥嗰d酥皮咁好油膩, 只係勝在香脆, 所以一定要熱食, 凍咗就只係一塊淋patpat索晒油嘅麵粉… 好在沙爹醬夠味, 幫個薄餅爭取番d分數.
::: 燒豬肉背 :::
串燒我地其中要咗燒豬肉背, 肉質麻麻, 有d韌, 都係只係靠個沙爹醬加味, 同埋串燒都幾細條, 2啖食晒…
::: 燒雞柳 :::
另外一串要咗燒雞柳, 個肉質就冇豬肉背咁韌, 但係完全冇雞味…
::: 招牌特色海鮮冬蔭公金邊粉 :::
食咗咁多樣小食, 都係要食番個飽肚嘅, 呢個湯粉可以任配餸料, 任配湯底, 任配粉類, 都有少少期望, 因為叫咗最想食嘅冬蔭公同金邊粉… 但係個冬蔭公就只係好似即食麵湯底咁, 有酸味有辣味但係冇香味… 個湯底好清完全冇冬蔭公湯底嗰d香料, 金邊粉偏硬唔入味, 只係可以接受… 最弊係招牌特色海鮮, 除咗一隻蝦一隻青口, 就只有蟹柳同埋d魷魚圈, 蝦同青口都可以話ok, 但係其他野就好求其…
::: 椰汁綠豆糕 :::
好似d包裝野咁, 綠豆糕味道好膠, 食咗一啖冇食…
::: 椰汁蜜餞木薯 :::
木薯都叫ok, 蜜餞甜甜地味道, 加埋木薯淋淋地質地, 好過個綠豆糕.
::: 西檸薑蜜 :::
有西檸味, 冇乜薑味, 好在夠凍, ok咁啦.
::: 桂圓紅茶 :::
桂圓紅茶都有唔少元肉, 但其實飲落無乜桂圓味, 只係一味死甜好似糖水咁…
其實味道係水準之下, 只係可以係勉強入得口, 但係最唔好嘅係環境, 座位狹窄, 張枱又細, 搞到食個2人餐d野都擺唔晒喺枱, 跟住個碟又細, 賣相太唔好… 另外d侍應服務又差, 就算有團購, 我地都唔會再買.
张贴