老金煎餅 (已結業)

依间野都算系新野喇,好有新鲜感,今次就先拣左一份北京烤鸭煎饼,价钱都唔算过份既，起码系即叫既做，睇落依到既店员手势都真系非常之熟练去整依个饼,馅料当然有北京片皮鸭,之后仲有青瓜,,京葱,薄脆同埋甜酱等,睇D料就觉得好好食,仲有得一路望住佢整,煎好出黎原来非常之大份，仲要好厚,佢个味有少少似北京填鸭卷咁，不过感觉上就香口好多多，最正就系有少少辣味,而且唔算太肥腻，一个人食就比较多少少好彩同朋友SHARE,当正餐都真系得,另外就叫多个棒棒鸡煎饼,依个都好足料有鸡丝、鸡蛋、青瓜、芝麻酱、黑芝麻、薄脆等等,不过佢个芝麻酱味道系比较清淡，依个就无头先个咁惹味，相比之下头先个个比较好食少少,可能因为食左个浓味既先,可以落得再重手少少,咁就更加香。