美心西餅 (偉利大廈)

营业中

休息中

美心新推出的軟芝士系列，曾食過同集團另一品牌東海堂的芝士漢堡，味道深刻，令人懷念，對於美心推出相關食品，難免令人期待！美心所有麵包均預先獨立以膠袋包裝好，衛生之餘亦方便快捷，揀啱就拎去俾錢即走。此店比較細小，屬長扁型，多人的時候喺店內會相當擠擁，選購得來不夠舒適。軟芝燒餅$7.5燒餅呈圓扁型，中間聲稱含有“特級日本忌廉芝士醬”！圖片賣相吸引，厚厚一層忌廉芝士醬，可惜… 期望越大失望越大 真能貼切地去形容此包！！燒餅內裡亦屬麵包質感，只是用上燒餅的外觀，並沒有燒餅的粘米、糯米粉質感；咬落只有微微忌廉芝士醬，打開一看，更是失望萬分，連麥記個魚柳包的沙律醬都仲多過個燒餅入面嘅軟芝，只有稀薄的一層！儘管軟芝味道不俗，倘算軟滑，但份量實在少得可憐！以差不多的價錢，買東海堂的芝士漢堡可以來個大滿足呢~~~同系列還推出了軟心芝腿、格達軟心芝堡、厚切煙火腿芝士包，但實在難以令人有再試的衝動。