尚鮮海鮮料理

营业中

休息中

今日约咗朋友行街睇戏食饭,去佐敦行完街谂住喺附近揾啲嘢食下,于是上openrice搜寻一下,见到附近有间海鲜火锅店,性价比高,食物质素又好似几好所以去试下。尚鲜海鲜料理,餐厅位置喺佐敦吴松街62号幸福商业大厦1楼,上到去餐厅地方虽然唔系好大,但系座位空间感好足够,望落去非常整洁,喺度食嘢感觉都几舒适。汤底我哋选择咗虫草花花胶炖鸡 186元,鸡件都好多食落去鸡肉仲系好嫩滑,加咗啲花胶汤底特别香甜,饮左几碗汤之后再用嚟打边炉。脆鲩鱼片 72元,鲩鱼片份量都好多,鱼肉好新鲜,入口鱼肉爽脆味道鲜甜,加上鸡汤嘅味道,令到个鲜味更加突出。田园盛 86元,有萝卜,粟米,蔬菜,蕃茄,打边炉加啲菜,味道特别清甜。四色丸 94元,有牛丸,虾丸,猪肉丸,墨鱼丸,虾丸口感比较爽口弹牙,牛丸牛肉味香浓,另外墨鱼丸鲜味道好重。串烧拼盘 268元,烧牛舌,狮子狗,粟米,海虾,牛舌真系好入味,加咗少少香料,令到牛舌嘅味道更加有层次,烧海虾烧到啱啱好,虾肉仲系好juicy。牛三拼 268元,有手切肥牛,特尚手切牛,牛柳粒,牛肉脂肪分布均匀,入口牛肉味香浓,加上带有少少油花,食落去特别香口。