OK德海南雞專門店 (天晉滙) (已結業)

而家香港間間鋪都做海南雞，但要揀一間好食既真係唔易，OK德就可以算係其中一間好食既海南雞。午市套餐有10幾款，每款都好吸引，一場黎到就梗係試招牌海南雞啦。海南雞皮爽肉滑，雞味香濃突出，食唔到有雪藏味，而且海南雞本身有醃製過，就算唔蘸汁都唔會淡而無味。醬汁方面就同出面一樣有三款，包括黑豉油、酸辣汁同薑蓉，份量都幾多，唔使擔心唔夠蘸。油飯就未算好突出，不過都過得去。雖然連埋凍飲要成$70，但可以食到呢個味道都算值得既。