LA FAMILLE (裝修中)

因為爸爸生日，去咗La Famille買蛋糕，見到佢哋個10周年野莓禮盒雙層戚風小蛋糕，好靚呀😍 即刻心心眼😆 但爸爸又鍾意食咖啡味，所以就決定買幾個細蛋糕，咁就大家都可以食到自己鍾意嘅口味啦🫶🏻 我揀嗰幾款都係新品黎嫁😆😆😆雖然係細蛋糕，但佢哋嘅服務好好，只要加$20就可以有手寫嘅生日牌👍🏻 如果兩至三個人食真係好推介❤️野莓禮盒雙層戚風小蛋糕🫐真係好靚，雙層設計就好似一個小禮物盒咁🥰 再加埋夢幻般嘅紫羅蘭色，少女心爆發❤️ 鍾意野莓乳酪慕絲酸酸甜甜嘅味道🫶🏻宇治抹茶椰香味戚風小蛋糕🥥平時我好鍾意抹茶嘅口味，呢一款抹茶味香濃，仲帶淡淡嘅椰子香味，味道都幾balance🫶🏻意式芝士味戚風小蛋糕☕️我本身就唔食咖啡嘅但爸爸佢哋話食落個cream好滑，咖啡味都好濃郁❤️走個時仲見到佢哋而家做緊10周年優惠，7至12月，每個月都有大抽獎😍 只要喺門市預訂或者買一個戚風大蛋糕，就可以有一個10周年禮盒，裏便有抽獎獎券同埋小蛋糕換領券同埋小熊造型毛巾❤️ 好正咁呀🫶🏻 下次再生日我都要訂個大蛋糕先得😆